Dagsetningar 2017 

 

SKRÁNING Í 10 til 12 ára SMIÐJUR

16. september - Raftónlistarsmiðja 

23. september - Plötusnúðasmiðja

 

SKRÁnING Í 13 til 16 ára SMIÐJUR

17. september - Raftónlistarsmiðja

24. september - Plötusnúðasmiðja 

 

Skráning er hafin í rokksmiðjur í haust! Í Rokksmiðjum er boðið upp á að kynnast nýjum og ferskum hliðum af tónlistarstarfinu. Rokksmiðjurnar eru haldnar í Tónabæ og eru í heilan dag, frá 10 til 17.  Rokksmiðjur eru fyrir allar stelpur, transkrakka & kynsegin krakka á aldrinum 10 til 16 ára. Engin reynsla er nauðsynleg.

Frí og niðurgreidd pláss eru í boði. Viðmiðunarþátttökugjald í hverja smiðju er 7.000 krónur. 

 

UM SMIÐJURNAR

 

plötusnúðasmiðja

Í smiðjunni læra þátttakendur um sögu og þróun plötusnúðastarfsins og nokkrir þekktir kvenkyns plötusnúðar verða kynntir til leiks. Kennt verður á helstu plötusnúðagræjur og farið í gegnum grunnatriðin í skífuþeytingum. Plötusnúðarnir Sunna Ben og Silja Glömmi sjá um smiðjuna en þær eiga báðar langan plötusnúðaferil að baki. 

raftónlistarsmiðja

Raftónlistarkonan kynngimagnaða Kira Kira leiðir okkur í gegnum leyndardóma raftónlistar í sínum víðustu víddum.  Þáttakendur fá kennslu á ýmis raftónlistarforrit og farið í grunnatriði taktgerðar og útsetninga. Vinnusmiðjunni lýkur með glæsilegum tónleikum á frumsömdum lögum!

 

rappsmiðja Reykjavíkurdætra (ekki í boði haust 2017)

Brakandi fersk rappsmiðja þar sem Reykjavíkurdætur leiða okkur um rappið sem tónlistarform og skoða og spjalla um ýmsar flottar rappkonur víðsvegar að úr heiminum.  Farið er í skapandi textavinnu og unnið í flæði og flutningi rapptexta. Athugið að  10 til 12 ára rappsmiðja er frá 9:30 til 13 laugardag og sunnudag. 13 til 16 ára rappsmiðja er frá 13:30 til 17 laugardag og sunnudag. 

tónlistarmyndbandasmiðja (ekki í boði haust 2017) 

Ein vinsælasta rokksmiðja Stelpur rokka! Í tónlistarmyndbandasmiðjunni tökum við upp og leikstýrum okkar eigin tónlistarmyndbandi! Þátttakendur læra á  helstu myndbandagræjur, skrifa handrit,  taka upp myndbandið og klippa.  Smiðjunni lýkur með frumsýningu á myndböndunum.